Rosendal Kammermusikkfestival 2019

Kvar kan vi overnatta?

Overnatting i og nær Rosendal

Pakkar med overnatting
Inkludert festivalbilletter

Vi har prøvd å gjera det lettast mogeleg for deg å planleggja ei fin festivaloppleving. Vi har difor bestilt alle rom på Rosendal Fjordhotel og Rosendal Turisthotell denne helga, og laga pakkar som inkluderer overnatting på Rosendal Fjordhotel og Rosendal Turisthotell. Vi har også leigd inn eit hotellskip for ekstra rom sentralt i bygda, og kan i år tilby lugarar med bad på rommet ombord på veteranskipet MS Sunnhordland. Båten vil liggja midt i Rosendal sentrum, like ved Rosendal Turisthotell.

Festivalpakkane inneheld:

- billettar til alle arrangement innanfor din tidsperiode (heile festivalen eller enkeltdøgn)
- festivalprogram
- gratis inngang til Slottet frå 1665
- gratis inngang til kunstutstillinga
- gratis inngang til Rosendal Have
- overnatting med frukost og middag på Rosendal Fjordhotel (med bad på rommet), Rosendal Turisthotell (med delt, men fint, bad på gangen) eller veteranskipet MS Sunnhordland (med bad på rommet).
- Ein god 3-rettars middag der du bur. MS Sunnhordland byr på sin store buffet inkl. dessertbord.
Du kan få velja enten tidleg eller sein middag slik at det passar inn før eller etter kveldskonserten. Snakk med overnattingsstaden om når du vil ha middag.

Store festivalpakkar med overnatting og halvpensjon:

Alt du treng for ei komplett festivaloppleving i Rosendal frå torsdag til søndag!
Merk: pakkane for 2 personar inneheld 2 billettar til alle arrangement, middag for 2 og eit dobbeltrom med frukost, slik at du treng berre velja den overnattingsstaden du ønskjer og kjøpa 1 pakke, så har du alt du treng.

Døgnpakkar med middag på kvelden og overnatting med frukost

For deg som ønskjer eit litt kortare opphald har vi delt opp dei store festivalpakkane i enkeltdøgn som går:
- torsdag frå kl. 16.00 til fredag kl. 16.00
- fredag frå kl. 19.30 til lørdag kl. 16.00 (startar med middag før foredrag og konsert om kvelden)
- lørdag frå kl. 16.00 til søndag kl. 18.00 .

Alle arrangement innanfor dette tidsrommet er inkludert i pakken, sjå over og programmet for detaljar.

Merk: pakkane for 2 personar inneheld 2 billettar til alle arrangement innanfor  di tidsramme, middag for 2 om kvelden og eit dobbeltrom med frukost. Du treng dermed berre velja den overnattingsstaden du ønskjer, den dagen du vil koma, og kjøpa 1 pakke. Då har du alt du treng for to personar.

ALLE PAKKAR BLIR LAGT UT FOR SALG HER FREDAG 19. JANUAR KL. 12.

Overnattingstips

Våre tips til overnattingsstader nær Rosendal

Våre beste tips:

Tips nr. 1: sjekk airbnb.no, kanskje du finn overnatting i Rosendal som er verdt å prøva.Tips nr. 2: rimeleg rom i Rosendal: Spiskammerset lille motelTips nr. 3: Uskedalen 13 km frå Rosendal:- Solheim TuriststasjonDønhaug Gjestegard (også på booking.com)Tips nr. 4: Odda 46 km frå Rosendal:- Hardanger HotelTrolltunga HotelApothekergården GjestehusTyssedal HotelTips nr. 5: Hotel Ullensvang, Lofthus 78 km/t 36 min frå RosendalTips nr. 6: Solstrand Hotel, 68 km og to ferjer frå Rosendal. Båt til Rosendal.Tips nr. 7: Haaheim Gaard, Tysnes. 61 km og ein ferjetur frå Rosendal


Reisa til Rosendal

Båt

Bergen - Flesland - Os - Rosendal
2 timar frå Bergen, 1,5 timar frå Bergen Airport Flesland

Den raskaste og mest behagelege måten å reisa til Rosendal på er med Hardangerfjordekspressen mellom Bergen/Flesland/Os og Rosendal.
Shuttlebus kjører frå Flesland ca 10 min. før rutetida for båten på Flesland. Båten stoppar også på Flesland på vegen tilbake til Bergen, alltid med tilbod om busstransport frå kaien til flyplassen.

Buss

Buss frå Bergen til Rosendal
Kvar dag

Behagelig og grei transport mellom Bergen og Rosendal. Bussen stoppar på Nesttun, bybane vidare til Flesland.

Fjordcruisepakke

Hardangerfjordcruise frå Bergen/Os til Rosendal!

Pakken inkluderer

båt til/frå Bergen/Flesland eller Os

inngang Rosendal Have, kunstutstilling og guida omvising på Slottet frå 1665.

Ein deilig 2-rettars varm lunsj i Rosendal Havecafé med friske ingrediensar frå Kjøken- & Urtehagen.


Bil

Bergen – Rosendal (120 km / 2 t 25 min)
+ ferje Gjermundshavn – Årsnes

Oslo – Rosendal (408 km / 6 t 29 min)
ingen ferjer

Haugesund – Rosendal (114 km / 2 t 41 min)
+ ferje Skjersholmane – Ranavik

Stavanger – Rosendal (171 km / 4 t 7 min)
+ ferje Mortavika – Arsvågen og ferje Skjersholmane – Ranavik

Kristiansand – Rosendal (379 km / 5 t 57 min)
ingen ferjer

Baroniet Rosendal

Postboks 235
5486 Rosendal
Rosendal
Norway