Slottet frå 1665 mellom fjord, fjell, fonn og fossefall
Restaurantar
Baroniet Rosendal byr på kaffi og kaker i Tesalongen på slottet, varme og kalde lunsjretter i Rosendal Hagekafé og treretters middagar i Ridderstuen på Avlsgården. Menyane er basert på sesongens råvarer frå kjøken- og urtehagen i Rosendal Have. Vi samarbeider med lokale produsenter som leverer kortreiste råvarer og produkt.
Rosendal Hagekafé & Butikk
Hagekaféen byr på deilig lunsj med friske råvarer frå kjøken- og urtehagen, samt utvalde lokale produsentar frå Rosendalsområdet.
Ein kan sitja innandørs i Hagekaféen, under glastak i drivhuset med utsikt mot Slottet frå 1665 med Malmangernuten i bakgrunnen, eller ute i sola når vêret er fint. Friske råvarer fra kjøken- og urtehagen vert hausta dagleg gjennom heile sesongen, og pregar menyane i Rosendal Hagekafé.
NB! Ingen bordreservasjon, med unntak av grupper over 12 personer som førehandsbestiller meny.
Tesalongen (Havestuen)
I hovudhuset finn du Tesalongen (Havestuen) – eit elegant rom fylt av historie og atmosfære. Tesalongen gir ein liten smakebit av livet på godset slik det ein gong var – stilla, smaken og nærleiken til naturen.Her serverast kaffi, te og heimebakte kaker i herskapelege omgjevnader, perfekt for ein roleg pause etter ei omvising eller ei vandring i hagen.
Restauranten på Avlsgården
For dei som ønskjer ei meir høgtideleg matoppleving, inviterer Baroniet til middag på Avlsgården. I Ridderstuen blir 3-retters menyar serverte inspirerte av lokale ingrediensar, råvarene i sesongen og moderne matkunst.Middagane blir tilbodne etter førehandsbestilling, og er spesielt populære blant gjester som overnattar på godset. Her får du ein smak av eleganse og noko ekte, forankra i naturen rundt.
Gamlakjøkenet
Gamlakjøkenet er tenarfløyen på Slottet frå 1665. I Gamlakjøkenet kan du nyta lappar og kaffi med tente lys på langbord og fyr på grua.