Slottet frå 1665 mellom fjord, fjell, fonn og fossefall

Hjem Kulturprogram

Kulturprogram 2026

Info og billettsalg

Tore Renberg & Christian Ihle Hadland – «Ein kveld i regi av kunstens intelligens»

23.05.26 19:00, Riddersalen

Øvst i reisekista ligg Renbergs dikt og ein bunt klaverstykker. Musikk og poesi skal møtast på vidt ulike vis. Dei skal halde kvarandre i gjensidig jerngrep, danse blidt, eller skvaldre av garde i alvorslett fjolleri. Her kjem oden til det ufødde barnebarnet, tjuvpakk-visen om dei klåfingra ungdomane og gravtalen for trønderen som fekk reisepass til helvete. I naturleg samspel med Domenico Scarlatti og Harald Sæverud.

Info og billettsalg

Trond Viggo Torgersen & Kristin Helle-Valle

28.05.26 11:00, Riddersalen

I samtaleføredraget Resten av livet snakkar Trond-Viggo og kona Kristin inspirerande og muntert om livet, kroppens aldring og overgangen til pensjonisttilværet – ein fase som kan vere både frigjerande og forvirrande. Med humor, livserfaring og solid kunnskap tek dei oss med inn i eit livskapittel fylt av moglegheiter, men òg identitetsendringar, nye roller og endringar i relasjonar.

I samarbeid med Kvinnherad Senioruniversitet

Info og billettsalg

Hageseminar

13.06.26 12:00, Rosendal Have

Hageseminar

350 år med tre i Rosendal Have

Info og billettsalg

Karoline Krüger & Sigvart Dagsland

03.07.26 19:00 - 04.07.26 19:00, Riddersalen

Karoline Krüger og Sigvart Dagsland er tilbake med duokonsert på Baroniet. Alt ligg til rette for ein intim og storslått kveld fylt med folkekjære klassikarar som «Ka e du redd for», «Alt eg såg» og «For vår jord». Gled deg til det beste av alt dei har gjort kvar for seg – og saman – samt eit godt dryss av både Stavanger- og Bergenshumor.

Info og billettsalg

Bjørn Eidsvåg

07.07.26 19:00 - 08.07.26 19:00, Riddersalen

Etter eit halvt hundreår i musikkbransjen står Bjørn Eidsvåg som ein bauta i norsk musikkhistorie, og er ein artist fleire generasjonar nordmenn har eit sterkt forhold til. Nordmenn har eit nært forhold til hans folkekjære songar som «Skyfri himmel» og «Eg Ser». Bjørns nysgjerrigheit på nye musikalske uttrykk har òg ført til mange spanande samarbeid med kjende artistar frå Noreg, Sverige og Danmark opp gjennom åra. Sidan oppstarten i 1971 har Bjørn gitt ut 28 album, spelt ca. 80 konserter kvart år.

Info og billettsalg

Janove frå Kaizers

10.07.26 19:00 - 11.07.26 19:00, Riddersalen

Møt Kaizers JanOve – berre han og pianoet. Repertoaret spenner frå heilt nye låtar til tidlege Kaizers-klassikarar, frå solokarrieren til mitt symfoniske og stumteateraktige verk The Mute. Og sjølvsagt nokre overraskingar

Info og billettsalg

Ketil Bjørnstad i Den Røde Sal

12.07.26 19:00, Den Røde Sal

Ketil Bjørnstad er utdanna konsertpianist, plateartist og ein av våre mest produktive og lesne forfattarar av ei rekkje romanar og biografiar. Han viste seg tidleg som ei usedvanleg musikalsk gåve.

«Solokonsertane har alltid vore grunnlaget for mi musikalske karriere. Dei markerer byrjinga og slutten. Åleine med flygelet oppstår det ein særmerkt og nær kontakt med publikum som påverkar dei musikalske vala undervegs.» - Ketil Bjørnstad

Info og billettsalg

Eva Weel Skram

15.07.26 19:00, Riddersalen

Eva Weel Skram har alltid vore svært personleg i tekstane sine, og det er ho heldigvis framleis. Med låtar som «Om du vil», «Selmas song», «La meg vere» og «Vendepunkt», er Eva Weel Skram utan tvil ein av dei mest folkekjære artistane vi har her til lands.

Info og billettsalg

deLillos

17.07.26 19:00, Riddersalen

deLillos er eit av landets viktigaste pop- og rockband. deLillos blei danna i Oslo i 1984, og blir rekna som eit av dei mest markante banda i norsk musikkliv frå 1980-talet og fram til i dag. Saman med Raga Rockers, DumDum Boys og Jokke & Valentinerne blir deLillos framleis omtala som ein av dei fire store i norsk rockhistorie.

Info og billettsalg

Sivert Høyem

18.07.26 19:00 - 19.07.26 19:00, Riddersalen

Ein av dei definitivt mest respekterte artistane i landet er igjen klar til å innta konsertscenane over heile landet sommaren 2026.

Info og billettsalg

Ingebjørg Bratland

23.07.26 19:00, Riddersalen

Ingebjørg Bratland er ein kvedar og visesongar frå Edland i Vinje og ein av dei mest folkekjære og ettertrakta popartistane i Noreg
Vinje-bygdingen har alt ei merittliste dei fleste kan misunne. Med låtar som «Jul i Svingen», «Ingen som du», «På avstand», «Fordi eg elskar deg» – og mange fleire – har ho bora seg inn i den norske folkesjela.
Bratland er mest kjend gjennom låtane og albuma sine, der ho tolkar eigne og andre sine songar på sitt heilt særeigne vis, og når eit stort publikum i alle aldrar.
2026 starta med førsteplass på Spotify med låta «Baby, du er rå!» saman med bandet Hagle.

Info og billettsalg

Oscar Danielson

24.07.26 19:00, Riddersalen

Noregsvenn- og i tilfellet Oscar Danielson kan ein trygt slå fast at den sympatiske svensken er ein av dei aller beste venene vi har!
Oscar Danielson er sin eigen sjanger, og av mange rekna som Sveriges beste tekstforfattar. Etter albumet «Stockholm i mitt hjärta» (2011) med låta «Besvärjelse» har han fått eit stort publikum og turnert flittig i heile Skandinavia.
No kjem den Stockholm-fødde 49-åringen til Rosendal med eit show som framkallar latter så vel som tårer. Temaet er – sjølvsagt – kvinner. Det er songar om kjærleik, fulle av alvor og djupt menneskelege observasjonar, krydra med humoren som er Oscars kjenneteikn.
Eva Weel Skram og Stein Thorleif Bjella har gjort ein versjon av Oscars låt «Besvärjelse» med norsk tekst, «Vi lover».

Info og billettsalg

Vamp i Riddersalen

30.07.26 19:00 - 31.07.26 19:00, Riddersalen

I tre tiår har dei levert. Hundrevis av songar om det å vere menneske. Om kjærleik og sorg, mytar og skrømt, ærlegdom og svik, døden og livet. Og havet.
Vamp høyrer til eliten i norsk musikkliv. Dei har utvikla eit særprega uttrykk i møtet mellom musikk og lyrikk som har treft den norske folkesjela.
Dei har oppnådd mengder av heider og ære, mellom anna fem Spellemannprisar, Prøysenprisen og Medaasprisen. Dei har gitt ut 18 album og selt over ein million plater.
Den nyaste utgivinga deira, «Tiå det tar», fekk gjennomgåande strålande kritikkar og høge terningkast frå meldarane, og nokre meinte til og med at dette er den beste utgivinga Vamp har hatt så langt. Katalogen er full av kjende og kjære songar som dei øser av på konsertane sine.

Info og billettsalg

Klassisk Helg: Opus 13 og Leif Ove Andsnes

14.08.26 19:00

Opus13 har på kort tid markert seg som eit av dei mest spennande unge kammermusikkensembla internasjonalt. Kvartetten består av dei norske fiolinistane Sonoko Miriam Welde og Edvard Erdal, saman med Albin Uusijärvi på bratsj og Daniel Thorell på cello.

Denne kvelden møter du dei og i samspel med ein av verdas fremste pianistar, Leif Ove Andsnes.

Info og billettsalg

Klassisk Helg: Konsertpakke

14.08.26 - 16.08.26

Ved kjøp av konsertpakke får du tilgong til alle konsertane i løpet av Klassisk Helg 14.- 16. august 2026.

NB: Unntaket er konserten på Nerhuslåven som du må kjøpe i tillegg.

Info og billettsalg

Klassisk Helg: Alma Kraggerud og Natallia Popova

15.08.26 17:00

Den unge norske fiolinisten Alma Kraggerud har alt markert seg sterkt både som solist og kammermusikar, mellom anna etter sigeren i Virtuos i 2022. Saman med den erfarne pianisten Natallia Papova vil dette bli ein stemningsfull konsert i Riddersalen.

På programmet står verk av Edvard Grieg, Amy Beach og Franz Schub

Info og billettsalg

Klassisk Helg: Leif Ove Andsnes og Jazzverket på Nerhuslåven

15.08.26 21:30

Leif Ove Andsnes flyttar denne kvelden konsertflygelet frå Baroniet og ned på låven.  Dette vert unikt når ein verdas beste pianistar speler opp til konsert på Nerhuslåven. Han spelar mellom anna kortare stykker av
Sibelius, Sæverud, Chopin og Stravinsky.

Info og billettsalg

Klassisk Helg: Torleif Thedéen og Marianna Shirinyan

16.08.26 19:00

Torleif Thedéen er ein av Nordens fremste cellistar og har gjennom fleire tiår hatt ei omfattande internasjonal karriere som solist og kammermusikar. Marianna Shirinyan er rekna som ein av Europas mest etterspurde pianistar, kjend for virtuost spel og stor musikalsk sensitivitet.

Denne kvelden spelar dei verk av mellom andre Dmitri Shostakovich, Samuel Barber og Richard Strauss.

Info og billettsalg

Frøken Julie

22.08.26 18:00 - 30.08.26 14:00, Borggarden & Riddersalen

AUGUST STRINDBERG sitt ikoniske stykke FRØKEN JULIE frå 1888 er i denne versjonen lagt til BARONIET ROSENDAL.

Baronen si dotter Julie har hatt ein turbulent oppvekst på Baroniet.
Det er sankthansnatt på Baroniet. På baronikjøkenet møtast greven si dotter Julie og tenaren Jean, to menneske frå kvar si verd som aldri skulle ha nærma seg kvarandre.
Ein produksjon av Den Nationale Scene i samarbeid med Baroniet Rosendal