Øvst i reisekista ligg Renbergs dikt og ein bunt klaverstykker. Musikk og poesi skal møtast på vidt ulike vis. Dei skal halde kvarandre i gjensidig jerngrep, danse blidt, eller skvaldre av garde i alvorslett fjolleri. Her kjem oden til det ufødde barnebarnet, tjuvpakk-visen om dei klåfingra ungdomane og gravtalen for trønderen som fekk reisepass til helvete. I naturleg samspel med Domenico Scarlatti og Harald Sæverud.
| Laurdag 23.mai 2026 Ulike billettypar tilgjengeleg | Kjøp billett |
TORE RENBERG OG CHRISTIAN IHLE HADLAND
Ein kveld i regi av kunstens intelligens
I 2026 legg Tore Renberg og Christian Ihle Hadland ut på kongerikets landevegar i regi av kunstens intelligens.
Øvst i reisekista ligg Renbergs dikt og ein bunt klaverstykker. Musikk og poesi skal møtast på vidt ulike vis. Dei skal halde kvarandre i gjensidig jerngrep, danse blidt, eller skvaldre av garde i alvorslett fjolleri. Her kjem oden til det ufødde barnebarnet, tjuvpakk-visen om dei klåfingra ungdomane og gravtalen for trønderen som fekk reisepass til helvete. I naturleg samspel med Domenico Scarlatti og Harald Sæverud.
Velkomen til ein lågskuldrar, breispektra og herleg kompetent kveld, krydra med anekdotar og dialog mellom kunstnarane.
Turneen kryssar kommunegrensene gjennom heile 2026, og vi er glade for å opne dørene for Tore Renberg og Christian Ihle Hadland, to av våre fremste i sine felt. Dette vil du ikkje gå glipp av.
Om Tore Renberg:
Tore Renberg (f. 1972) er ein av vår tids mest sentrale forfattarar. Ei brei lesarskare kjenner dei ikoniske romanane om Jarle Klepp, den outrerte Teksas-serien og dei psykologiske mysterieromanane Du er så lys, Tollak til Ingeborg og Lorden. I 2023 gav han ut den historiske romanen Lungeflyteprøven, og i 2025 kom hans første diktsamling, Øie=Viise, 1720. Renbergs forfattarskap er kjend for si usedvanlege spennvidde, flerstemte språksans og sterke innleving i menneskesinnet. Stavangerforfattaren har motteke ei rekkje litterære prisar, og fleire av romanane hans er filmatiserte og omarbeidde for teaterscena. Bøkene hans blir utgjevne i 26 land. Våren 2025 blei Renberg utnevnt til festspel-diktar under De Litterære Festspill i Bergen.
Om Christian Ihle Hadland:
Christian Ihle Hadland sette seg ved klaveret som åtteåring, og har sidan opparbeidd seg rykte som ein framifrå solist og kammermusikar. Hans internasjonale gjennombrot kom då han i 2011 vart vald som New Generation Artist av BBC, og avslutta engasjementet med ein kjend konsert på The Proms i London. Han har opptrådd med fleire av Europas fremste orkester og dirigentar, men er særleg fascinert av storleiken i musikkens lille format, noko han nyt som kunstnarleg leiar for kammermusikkfestivalen i heimbyen Stavanger. Hadlands repertoar strekkjer seg frå engelsk renessanse til norsk
Selde billettar vert ikkje refunderte.