Båt- og vognutstilling

Dei tre venjebåtane som tilhøyrer Baroniet Rosendal skal vera dei største og mest staselege som er tekne vare på i Noreg i dag. Namnet har båten frå det vesle huset akterut. Båtane vart rodde med tre, fire eller fem par årar, alt etter eigaren sin stand og rikdom.

Utforminga av slottet og hagen har til alle tider vore prega av eigarane sine mange inntrykk og impulsar frå reiser til utlandet. I slottet sine rom og salar finn vi bøker og kunstgjenstandar frå "fjerne reisemål" som Paris, Hamburg, Firenze, Napoli og Geneve. Kvitteringar og bilete frå slike reiser er stilte ut i uthuset saman med vogner og venjebåtar som herskapet har nytta.