Rosendal Have

Ludvig Rosenkrantz og Karen Mowatt sitt vesle slott frå 1660-åra er omgjeven av eit vakkert og historisk hageanlegg med renessansehage, romantisk landskapspark og kjøkenhage. Frå Rosendals Have er det storfelt utsyn mot Malmangernuten, Melderskin, Laurdalstind, Hattebergfossen og Hardangerfjorden. Hagen er bygd opp over fleire hundre år med skiftande stilretningar og motar innanfor hagekunsten. Her kan du oppleva over 300-år med hagehistorie!

Frå dei fyrste snøklokkene dukkar opp i januar, er det bløming store delar av året. Våren er vakker med fruktbløming, tulipanar, påske- og pinseliljer. Tidleg på sommaren kjem den vakre blåregnen (Wisteria), som dekker sørveggen på slottet med sine vakre blå blomerankar. I juni blømer rhododendron og asalea i mange ulike fargar. I juli kjem rosene for fullt og dei blømer til langt utover hausten. Rosehagen er avgrensa mot vest av ein over 300-år gamal buksbomhekk. Den er ein rest av innhaldet frå den gamle renessansehagen til Ludvig Rosenkrantz og Karen Mowatt.

Den praktfulle Rosehagen, med det kvitkalka slottet og fjella i bakgrunnen, er eit vakkert syn for alle som kjem for å oppleva slottet, hagen og landskapet.

Renessansehagen (Rosehagen)

Den romantiske landskapsparken

Kjøken- og Urtehagen

Folgefonna Nasjonalpark

Kart over området

Kart over hagen